Najaar tussen berg en see

Dis nie dat verkleurende en vallende blare my aandag getrek het nie. Daarvan sien ons maar min.

Nee. Dit het hier iewers in my binneste begin. Soos elke jaar. Dan vroetel ek onwillekeurig tussen my cd’s op soek na die musiek van Dvorak en Grieg en Vivaldi… en my hart trek alkante toe: seer, vol, half eensaam.

Hierdie wye wasigheid is so bekend. So onmiskenbaar. Dis so mooi, maar so hartseer. En dan wonder ek of dit Vrydagnag kil en wasig en deinserig was daar waar Doepie se seun op die R43 gesterf het. Ek deel met julle, sy geliefdes wat agtergebly het, Pietro Mascagni se Intermezzo of “Cavalleria Rusticana” en my hart huil saam…

Ek weet nie hoe dit moet wees om ‘n kind op die diepste tyd van ‘n herfsnag te verloor nie. Die gedagte is ondraaglik.

Alles omheen is so mooi, so bo-menslik mooi. Streepwolke, klossiewolke, ylblou gewelf, groen – baie groen, lang, sedige skaduwees wat bergaf sluip. En blink blare, want die son kom skuins: retireer so half oor die ruwe riwwe van die Kogelberge terwyl hy (is die son manlik?) beduie ‘moenie ontsteld wees nie, dis tydelik’. Altyd tydelik. Dis ritmies, soos net die skepping kan ritmies wees. So klokslag en betroubaar, soos geen enkele mens wat ek ken of van weet nie.

Reelmatig ook, want dit is deel van die patroon en die kringloop waarmee ons alle menslike siklussen en seisoene vergelyk, waaraan ons dit meet en weet dat ons inpas en dat dit werk, maar dat ons nooit ten volle sal verstaan nie. Nie hier en nou nie.

Die see smelt vandag saam met die lug bo haar (is die see vroulik?): alles is staalblougrys, stil en subtiel. Die fynbos is geil soos altyd. Blombos en tolbos en fyn bessieblom-erica wat ek so kindergraag wil pluk maar nie mag nie…

Ja, die najaar is nooit luid nie. Dis sag en werk sagkens, maar ferm en beslis. Die somer is verby. (Soos Koos du Plessis ook met towerwoorde beduie in ‘Najaarsdroom’.)Somber is dit nie, daarvoor heeltemal te aanskoulik. Tog, hoekom lê hartseer so vlak? Waarom prik trane so maklik en so gereeld?

Dis waarlik herfs. Teen skemer soek tone en kuite en blaaie skuiling wanneer die gretige gees na bo en buite reik om soveel van die skoonheid as moontlik te oes…

Heeltemal te gou wyk son en lig, maar doen dit so dawerend lieflik dat jy maar liggies sug en langerwordende nagte gelate aanvaar. Want geen twee nagte is ooit ewe lank en ewe donker en ewe diep nie.

God sê altyd weer “Laat daar Lig wees.” En dan is daar Lig.

Advertisements

6 thoughts on “Najaar tussen berg en see

  1. Sjoe! net dit. Die son’s dalk manlik want Apollo was ‘n man en die see dalk vroulik aldus Amerikaanse digteres Anne Sexton (1928-1974). Sien uit na nog vele ongelooflike Fynbos Letters.

  2. Hartstroos aan die familie wat treur, onthou en voortgaan… Lisel, it is a sensual and artistic transporting moment to stand in the Fynbos gallery, allowing all the impulses to soak into my being… Mmmmmm. Sigh…

  3. Wow… So beautiful, mamma! You really captured the emotion of the season – a sort of vague, but incessant homesickness for places we don’t even know. A nostalgia for experiences we’re not sure we ever lived. A longing for people we may only ever have dreamed. A season for golden-lined soul searching before the long winter rest.

  4. Prayers to the family who lost a child…I felt their agony through your words. Thank you for your tribute to autumn…my favourite season….Truly beautiful!!

  5. Yesterday, while I was at work, my cousin stole my iPad and tested to
    see if it can survive a thirty foot drop, just so she can be a youtube sensation. My iPad is now broken and she
    has 83 views. I know this is totally off topic but I had to
    share it with someone!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s